Cartas recibidas

Asociación Cultural Monte Branco.
15110, O Couto - Ponteceso. A Coruña.
Tfn. (981) 71 49 24

O Couto, mércores 22 de marzo de 1995.
Viúva de Chano Piñeiro.

Da nosa meirande consideración.

Querémoslle facer extensivas, con bágoas nos ollos, as nosas máis doídas intencións perante o fatal desenlace do seu marido e persoa-alicerce do noso cine galego. Se en verdade sentimos mágoa polo oco baleiro deixado na súa familia, tamén inzamos un berro cara ó ceo por sermos privados do noso amigo, do noso compañeiro.

Como de seguro sabería, a persoa do seu finado marido tivera a ben participar de novo no noso programa da Semana das Letras Galegas (remitímoslle programa do día de participación), mais o acontecido non será pexa para a realización do mesmo; senón todo o contrario, moveranos máis aínda para unha reflexión, a modo de homenaxe, sobre a figura do cineasta a cargo dalgunhas daquelas persoas que traballaron con el.

Reiteramos de novo as intencións e saiba que van contidos neste papel os recordos máis especiais de parte do noso Presidente, D. Xosé María Varela Martínez, e dos demais membros da Asociación.

Atentamente:

Xosé Manuel Varela Varela
Asesor lingüístico e literario da A.C. Monte Branco.