A publicación na colección "Narrativa de Onte" desta selección de Contos de Enrique Labarta Pose devólvenos o máis meritorio da obra dun home que tivo como principal empeño literario a pervivencia da contística de raigame popular.

Labarta Pose, nacido en Baio en 1863, foi un personaxe popular na Compostela estudiantil de finais de século. Moitas das súas anécdotas e características persoais coindicen coas de Barcala, o protagonista da célebre novela de Pérez Lugín La casa de La Troya. Foi tamén un activo periodista e un incansable gañador de certames literarios de todo tipo.

Estes Contos reúnen oito dos seus mellores relatos, entre os que se atopan algúns tan populares como O tío Miseria e O sacreto do tío Sanfona. A edición foi preparada por Xosé Manuel Varela e Xosé María Lema, quen asinan senllos estudios introductorios sobre a literatura e a lingua de Labarta.