|
As cantareiras Raigañas
publican o CD [Cerqueda, decembro de 2004] |
|
 |
As danzas e músicas de Cerqueda figuran con letras de molde no mapa do folclore máis universal. Desde esta parroquia malpicá, os seus bailes e sons viaxaron por todo o territorio galego e chegaron a escenarios inimaxinables de Europa. Unha boa maneira de estar no mundo.As cantareiras de Raigañas son fillas do folclore máis tradicional. Criáronse á beira das pandereteiras vellas de Cerqueda e os seus ollos viñeron ó mundo a ritmo de cantares e maneos. Ademais, percorreron o país na procura doutras fontes, doutras ruadas para engalanar a súa habelencia coa pandeireta. |
|
Baila que queres bailar, folclore nativo, melodías de antano que perviven en Limiñoa, Cambre, San Salvador ou Cances. Desde Cerqueda a Malpica na terra de Bergantiños. Carballo como ponte. Agrestes chairas de Xallas tralo camiñar de Pondal. Todo o sabor musical da Costa da Morte nunha humilde pandeireta. Sons de pel tocados por mans douradas polo sol, coma espigas nos días de seitura. Lembranza das noites de fiadas. Ruadas en calquera encrucillada máxica. Turreiros en días de festa. Con este Baila que queres bailar, bautismo discográfico de Raigañas, ribeirana de sons, Cerqueda existe. Aquí está o centro do mundo arrolado por ondadas de ferreñas. De romaría nunha procesión mariña. Camiño musical cara a fin do mundo onde Galiza se volve un mar de voces. Temas: |
|